Rastali se Božić i Partizan
Dugogodišnji kapiten i crno-bijeli završili saradnju poslije osam godina. Božić želi da igra bar još dvije godine.
Petar Božić i Partizan mt:s rastali su se poslije osam godina i 18 trofeja. Dugogodišnji kapiten crno-bijelih i klupski čelnici sastali su se u ponedjeljak i dogovorili da ne nastavljaju saradnju.
Iskusni košarkaš želi da i dalje igra, a srpski šampion da se okrene mlađim snagama.
„Božić je ostavio dubok trag u crno-bijelom dresu. Osvojio je mnogo trofeja, postao miljenik navijača i zahvalni smo mu za sve što je učinio za klub. Odlučili smo da se okrenemo mlađim snagama, a Pera želi da igra košarku još bar dvije sezone. Kada završi karijeru širom su mu otvorena naša vrata“ , izjavio je sportski direktor Partizana mt:s Dragan Todorić za „Novosti“.
Humsku 1 je prije Božića napustio Raško Katić, a isto bi mogao da učini i Dušan Kecman.
„Sa Kecmanom nismo razgovarali, jer je on na odmoru“, pojasnio je Todorić.
